හන්තාන ප්‍රජා පාසැල් විද්‍යාගාර ඇරඹේ!

හන්තාන පසල් පරිගණක විද්‍යාගාර ව්‍යාපෘතිය තුළදි පාසල තුළ පරිගණක විද්‍යාගාරයක් ස්ථාපනය කිරීමට ඇති සැළසුම එලෙසම ඉදිරියට ක්‍රියාත්මක වන අතර ප්‍රාථමික පාසල් සඳහා පංති කාමරය තුළට පරිගණකය රැගෙන යාම නියමු ව්‍යාපෘතියක් ලෙස මලල්ගොඩ පාසැලේදි සිදු විය. ඔබේ වටිනා කාලයෙන් එක් මොහොතක් ගතකර මෙම සටහන කියවා පාසලට හන්තාන ලිනක්ස් ලබා දුන් පළමු දිනයේදීම දරුවන් ගේ ප්‍රථිචාරයන් සහ පාසැල් ගුරුමණ්ඩලය මෙන්ම දෙමාපිය අදහස් කෙරෙහි සවන් දෙන්න.

“හොදම දේ දරුන්ට” යන්න සනාථ කරමින් ගාල්ල දිස්ත්‍රික්කයේ . ඉමදූව ප්‍රාදේශීය ලේකම් බලප්‍රදේශයේ හබරාදුව අධ්‍යාපන කොට්ඨායේ ගා/මලල්ගොඩ සිරිසීවලී ප්‍රාථමික විද්‍යාලයේ පලමු වසර දරුවන් සදහා අධ්‍යාපනික මෙවලමක් ලෙස හන්තාන ලිනක්ස් මෙහෙයුම් පද්ධතිය හදුන්වා දීම 2012 ජනවාරි මස 30 වන දින සිදු විය.

වසරක් පමණ වසා දමා තිබු මෙම පාසල නැවත 2012 ජනවාරි මස 16 වන දින පාසල් 1000 ව්‍යාපෘතිය තුල පෝෂිත පාසලක් ලෙස ඇරඹීම සිදුවිය . මෙම ඇරඹුම සදහා පූර්ණ දායකත්වය ප්‍රදේශවාසීන්ගෙන් සහ දෙමාපියන් ගෙන් ලැබීතිබුනි. බහුතරයක් දෙනා එදිනෙදා රැකියාවන් සහ පෞද්ගලික ආයතනවල රැකියා කරන්නන් වීම විශේෂත්වයකි. එසේම මෙහිදී දක්නට ලැබුන සුවිශේසී කරුණක් වූයේ එදිනෙදා සාමාන්‍ය කම්කරු රැකියාවක් කරන පියකු සහ විදේශ ගතව ගෘහ සේවා රැකියාවක් කර මුදල් උපයාගත් මවක ගෙන් යුත් පවුලක් විසින් මෙම පාසල සඳහා රුපියල් 12000/= පමණ වටිනා පරිගනකයක් පරිත්‍යාගකිරීමයි.

මෙහි දී එම මවගෙන් මෙම පරිත්‍යාගය පිළිබඳ කරුණුවිමසීමේ දී ප්‍රකාශ කරන ලද්දේ තම දරුවා වෙනත් පාසලකට යාමට සිදුවූවා නම් ඇයට මසකට ත්‍රිරෝද රථ ගාස්තු වශයෙන් රුපියල් 1200/=ක් පමණ වැය කිරීමට සිදුවන බවත් , වසරක දී රුපියල් 12000/= පමණ වැය කිරීමට සිදුවන බවත්ය. එබැවින් එම මුදල පරිගනකයක් මිළ දී ගැනීම සඳහා පරිත්‍යාග කර තම දරුවාට මෙන්ම අනෙකුත් දරුවන්ට ද එමගින් අධ්‍යාපනය ලබා දීමට ඉඩසලසා දීම තමාගේ අරමුණ බව පැවසූ ඇය ඒ පිළිබඳව ඉතාමත් නිහතමානීව සතුටුවන බව ද ප්‍රකාශ කලේය.

මෙවැනි දූර දර්ශී අදහස් ඇති ග්‍රාමීය ජනතාවක් මෙම පාසල හා සම්බන්ධවී සිටීම මෙම පාසල තුල හන්තාන මෙහෙයුම් පද්ධතිය ස්ථාපනය කරමින් ප්‍රාථමික අධ්‍යපනය සඳහා දායකත්වය සැපයීමට ප්‍රධාන කරුණක් විය. තවත් සමහර දෙමාපියන් දිවා කාලයේ තම එදිනෙදා සාමන්‍ය කම්කරු රැකියාව කර පසුව රාත්‍රිකාලයේ නිදිමරමින් පාසල් ගොඩනැඟිලි හා භාණ්ඩ සංවර්ධනය කිරීමට කැපවනු දැක ගත හැකිවිය.

පාසලේ ශිෂ්‍ය සංඛ්‍යාව 15 දෙනෙකු වූ අතර විදුහල්පති තුමා සහ 1ශ්‍රේණය භාර ගුරු තුමිය සමඟ ඉංග්‍රිසි විෂය සඳහා ගුරුතුමියක් ද සිටියහ. ප්‍රාථමික අධ්‍යාපනය සඳහා හන්තාන අධ්‍යාපනික මෘදුකාංග භාවිත කල පළමු දින අපට විශේෂ සිදුවීම් කීපයක් දැකබලා ගැනීමට හැකිවිය.එක් පරිගනකයක් තිබූබැවින් එදින හබරාදූව කොට්ඨාශ අධ්‍යාපන කාර්යාලයට අයත්ව තිබූ “මල්ටිමීඩියා” ප්‍රොජෙක්ටරය ආධාර කරගනිමින් දරුවනට මෙම අධ්‍යාපනික මෘදු කාංග මගින් විෂයට අදාල සංකල්ප ගොඩනැංවීම සිදුකරනු ලදී.එදින වර්ණ හදුනා ගැනීම යන සංකල්පය සංවර්ධනයට හන්තාන අධ්‍යාපනික මෘදුකාංග භාවිතා කරන ලදී.

මෙහි දී වෙනත් අවස්ථාවන්ට සාපේක්ෂව දරුවන් ඉතාමත් උනන්දුවෙන් පාඩමට සහභාගිවීම දක්නට ලැබුණි, ඉතාමත් විනෝදාත්මක ආකාරයෙන් දරුවන් පාඩමට සම්බන්ධවන අයරු දක්නට ලැබුණි. මෙම අවසථාවේ දී ගුරු තුමියගෙන් වරින් වර මෙම මෘදුකාංග භාවිතා කිරීමට ඹවුනට ද අවස්ථාව ලබාදෙන මෙන් ඉල්ලීම් කරනු දැකගත හැකිවිය. එය මෙම අවස්ථාවට සහභාගීවු දෙමාපියන් , හබරාදුව අධ්‍යාපන කොට්ඨාශ අධ්‍යාපන අධ්‍යක්ෂ තුමන් ,විදුහල්පති තුමන් ඇතුළු ප්‍රදේශවාසීන් ගේ නෙත් වලින් සතුටු කදුළු හැළුනු දසුනක් විය.

වෙනදා දිවා ආහාර වේල ආසන්නයේ දී “බඩගිනියි…..බඩගිනියි…” පවසන ලමුන් එමවේලාව පසු වුවද ඒ සඳහා දරුවන්ගේ අවධානයක් නොවී පාඩම සඳහා යෙමුවී සිටීම විශේෂ සිදුවීමක් විය.

තවද වෙනත් අවස්ථාවලට සාපේක්ෂව මෙම මෘදුකාංග භාවිතය තුලින් විෂය සංකල්ප ලබාදීම ඉතාමත් පහසු බව පංතිය භාර ගුරු තුමිය ද පැවසීය. තවද එදින දරුවන් පාසලෙන් බැහැර යන වේලාව පසුවීත් දරුවන් පංතියේ රැඳී සිටිනු දැකගත හැකිවිය.

පුධාන වශයෙන් ශිෂ්‍ය කේන්ද්‍රීය ඉගෙනුම් ක්‍රියාවලියක් පාසල් පද්ධතිය තුල ක්‍රියාත්මක වන බැවින් තනි පරිගනකයක් සහ “මල්ටිමීඩියා” ප්‍රොජෙක්ටරයක් ඒ සඳහා ප්‍රමාණවත් නොවේ. එබැවින් අඩුතරමින් ළමුන් හතර දෙනෙකුගෙන් යුත් කණ්ඩායමක් සඳහාවත් එක් පරිගණකයක් තිබීම අත්‍යාවශ්‍යය. අඩු ආදායම් ලාභීන් බහුතරයක් වෙසෙන මෙවැනි ප්‍රදේශවල පාසල් සඳහා දෙමාපියන්ට සහ ප්‍රදේශවාසීන්ට එම අවශ්‍යතාවයන් ඉටු කරදීමේ හැකියාවක්ද නොමැත. එබැවින් මෙවැනි පාසල් සඳහා අනුග්‍රාහකයන් ගේ දායකත්වය ඉතාමත් වැදගත් තැනක් ගනී.

පාසල් අධ්‍යාපනය ගුණාත්මක ලෙස සංවර්ධනය කිරීම රටේ සංවර්ධනයට මහත් පිටුවහලක්වේ. එබැවින් හන්තාන ලිනක්ස් මෙහෙයුම් පද්තිය යොදා ගනිමින් තොරතුරු තාක්ෂණයෙන් පාසල් අධ්‍යාපනය සංවර්ධනය කරමින් රටේ ජනතාව සවිබල ගැන්වීම හන්තාන ලිනක්ස් ප්‍රජාවේ අරමුණයි. මෙම අරමුණ වෙනුවෙන් ඔබ අප හා එක්වෙනු ඇතයි අප උදක්ම බලාපොරොත්තුවෙමු

එන්න ඒ දරුවන්ට අනාගත ලෝකයට පිවිසීමට සහය වන්න…

වලපනේ, කටන, මැදවච්චිය ප්‍රදේශ තුළ ඇති පාසැල් තුනක් තුළ ද හන්තාන ලිනක්ස් ප්‍රජාවෙන් බලගැන්වෙන පරිගණක විද්‍යාගාර නිමැවීමට අවශ්‍ය කටයුතු සූදානම් වෙමින් පවති. ගමේ දරුවන්ට තොරතුරු තාක්ෂණයෙන් අකුරු කරන්න අත්වැලක් දීමට ඔබට ද අවස්ථාව ඇත.

හන්තාන පාසැල් පරිගණක විද්‍යාගාර ව්‍යාපෘතිය සඳහා ඔබත් අදම එක්වන්න.

හන්තාන ලිනක්ස් මලල්ගොඩ ශ්‍රී සීවලි ප්‍රාථමික පාසලට හදුන්වාදිමේ විඩියෝව සහ මෙම සටහන ඔබේ නැහිතමිතුරන් අතරේ බෙදා දෙමින් මෙම ව්‍යාපෘතියට ඔබත් දානය වන්න.

විඩියෝව: http://www.youtube.com/watch?v=zTN-6e0Sa_Q

 

දැයටකිරුළ 2012 හන්තාන වැඩසටහන සාර්ථකයි!

දැයට කිරුළ 2012 අධ්‍යාපන සහ වෙළඳ ප්‍රදර්ශනයට සමගාමීව ශ්‍රී ලංකා තොරතුරු තාක්‍ෂණ ආයතනය සහ හන්තාන ලිනක්ස් ප්‍රජාව එක්ව සංවිධානය කළ නිදහස් සහ විවෘත මෘදුකාංග පිළිබඳ දැණුවත් කිරිමේ වැඩසටහන් මාලාව පෙබරවාරි මස 7 සහ 8 දෙදෙන තුළ ශ්‍රී ලංකා තොරතුරු තාක්‍ෂණ ආයතනයේ ප්‍රදර්ශන කුටිය තුළ දි සිදු කරන ලඳි.

ICTA ආයතනයෙන් තෑග්ගක්..

මේ සඳහා අති විශාල පිරිසක් එක් වූ අතර සහභාගි වුවන්ගෙන් උණුසුම් ප්‍රතිචාර  ලැබුණි.

පාසල් ළමුන්, ගුරුවරු, දෙමාපියන් මෙන්ම  රාජ්‍ය සහ පුද්ගලික අංශවල රැකියාවන්හි  නියුතු කොටස් මෙම වැඩසටහන  සමඟ එක් විය.

මෙම වැඩසටහන  අතර තුළ දි පාසැල් ගුරුවරුන් සඳහා හන්තාන ලිනක්ස් පද්ධතියේ ඇති අධ්‍යාපනික මෘදුකාංග භාවිතයෙන් කෙටි පාඩමක් තම පාසැල් දරුවන්ට කිරීමටද අවකාශ ලබා දීම විශේෂත්වයකි. එහිදි එම මොහොතේ විනාඩි 2ක් පමණ කාලයකදි අදාල මෘදුකාංගය භාවිතයට හුරුවීම මඟින් පාසැල් දරුවන්ට කෙටි පාඩමක් කිරීමට පාසැල් ගුරුවරු සමත් වූහ.

 

ප්‍රදර්ශනකුටියට පැමිණි පාසැල් ගුරුවරයෙක් පැමිණ සිටි පාසල් ළමුන් ඇතුලු පිරිසට Kalzium මෘදුකාංගය භාවිතයෙන් රසායන විද්‍යාව පිළිබඳ කෙටි පාඩමක් කරමින්…

පාසැල් දරුවන් සඳහා පාසැල් පොත් බෑග්, පෑන් වැනි තිලිණ  මෙන්ම කෙටි සංග්‍රහයක් ලබා දීම ද ශ්‍රී ලංකා තොරතුරු තාක්‍ෂණ ආයතනය විසින් සිදු කරන ලදි. එමෙන්ම හන්තාන ලිනක්ස් 15.5  DVD තැටි නොමිලේ බෙදා දීමද ශ්‍රී ලංකා තොරතුරු තාක්‍ෂණ ආයතනය විසින් සිදු කරන ලදි.

දිනකට වැඩසටහන් 3 ක් පමණ කළ හැකි යැයි මුලින් සැලසුම් කළ ද, එක් වැඩසටහනක් අවසන් වෙත්ම තවත් වැඩසටහනක් ඇරඹීමට සිදු වුයේ පසල්  සිසුන් සහ ප්‍රදර්ශනයට පැමිණි දෙමාපියන්ගේ නිදහස් සහ විවෘත මෘදුකාංග පිළිබඳ හදුන්වා දුන් වැඩසටහන් සඳහා තිබූ උනන්දුව නිසා වෙනි.

 

ගණිතමය ගැටලු ඇසුරෙන් නිමවා ඇති TuxMath ක්‍රීඩාවෙන් ජයගත් පාසල් සිසුන් දෙදෙනෙක්..

තවද, අධ්‍යාපන අමාත්‍යාංශයේ තොරතුරු තාක්‍ෂණ ශාඛාවද තම ප්‍රදර්ශනය කුටිය හරහා දෙවන වරටත් නිදහස් සහ විවෘත මෘදුකාංග හදුන්වා දීම මුළු  ප්‍රදර්ශන කාලය පුරාම  සිදු කරන ලදි.

දැයට කිරුළ ප්‍රදර්ශනය සඳහා එක් වීමට මූලික අවදියේදි සහාය දුන්  බන්දුල රණතුංග මහතාටත්, තොරතුරු තාක්‍ෂණ අමාත්‍යාංශයටත්, මෙම සියලු කාර්යයන් සාරථක කර ගැනීම  උදෙසා උරදුන් ශ්‍රී ලංකා තොරතුරු තාක්‍ෂණ ආයතනයේ අතුල පුෂ්පකුමාර, වසන්ත දේශප්‍රිය, මහේෂ් කූරගම, මලිත්, කසුන්, ප්‍රියන්ක  සහ හන්තාන කණ්ඩායමට අවශ්‍ය සියලු සම්බන්ධීකරණ  කටයුතු කරමින් හන්තාන ලිනක්ස්  කණ්ඩායමෙ සහායට එක් වූ සුජිත් ජයසූරිය මිතුරාටත් හන්තාන ප්‍රජාවේ නොමද ස්තුතිය පිරි නැමේ.

 

පැණයකට පිළිතුරු සොයමින්..

රැයක් දවාලක් නොමැතිව නිදහස් සහ විවෘත කේත මෘදුකාංග පිළිබඳ වැඩසටහන් සඳහා අති විශාල ඉරිසක් එක් ව සිටි අයුරු

Hanthana Session at Deyata Kirula, a success!

Free and Open Source Software awareness lecture series organized by ICTA and Hanthana Linux community in line with Deyata Kirula 2012 education and trade exhibition was conducted ICTA stall on 7th and 8th of February.

A gift from the ICTA

A lot of people participated at this event and the feedback was highly positive.

Participants consisted of students, teachers, parents and employees from the government and private sectors.

During the session, teachers got the chance to do a short lessons to their students using the education software in Hanthana Linux. At that point teachers were successful in getting used to the software during a short period of time of like 2 minutes and conducting the lesson to their students.

A school teacher (who visit the ICTA stall) conducting a small session on chemistry using Kalzium application to the audience

ICTA presented the students with prizes like shool bags and pens and refreshments were offered . Further, ICTA distrubuted the Hanthana Linux 15.5 LiveDVD free of charge.

Although it was scheduled to conduct only three sessions a day, a new session had to be started just after a session driven by the enthusiasm of the students and parents on Free and Open Source Software awareness lecture series.

Two winner of the TuxMath game (a mathematical game)

Information Technology Branch of Ministry of Education also in their stall introduced Free and Open Source Software for the second time throughout the exhibition.

Hanthana community pays the gratitude to Mr. Bandula Ranathunga who supported at the very first step to join Deyata Kirula exhibition, Ministry of Information Technology, team from ICTA, Mr. Athula Pushpakumara, Mr. Wasantha Deshapriya, Mr. Mahesh Kuragama,  Mr. Priyanka without whom this won’t be a reality and finally to Mr. Sujith Jayasooriya who coordinated and supported Hanthana community.

 

Discussing.. what is the answer?

No matter its day or night.. all the FOSS sessions flooded by the parents, kids, etc

දැයට කිරුල 2012 ප්‍රදර්ශනයේදි හන්තාන සමඟ විදින්න නිදහස…

64 වන නිදහස් දිනයට සමගාමීව අනුරාධපුර, ඔයාමඩුව ප්‍රදේශයේදි පැවැත්වෙන “දැයට කිරුල 2012″ අධ්‍යාපන සහ වෙළඳ ප්‍රදර්ශනයේදි ,නිදහස් සහ විවෘත මෘදුකාංග  සහ හන්තාන ලිනක්ස් ව්‍යාපෘතිය පිළිබඳ දැණුවත් කිරීම සඳහා හන්තාන ලිනක්ස් කණ්ඩායම පෙබරවාරි 7 සහ 8 දෙදින තුළ ,දැයට කිරුල භූමියේදි ශ්‍රී ලංකා තොරතුරු තාක්‍ෂණ නියෝජිත ආයතනයේසහයෝගීත්වයෙන් වැඩසටහනක් ක්‍රියාත්මක කිරීමට නියමිතයි.  මෙහි දී , එකවර සිය දෙනෙකුට සහභාගි විය හැකි දේශන මාලවන් පැවැත් වීම, පරිගණක තුළ ස්ථාපිත නිදහස් සහ විවෘත මෘදුකාංග භාවිතයට අවස්ථාව ලබා දීම මෙන්ම තමන්ට ඇති ගැටලු පිළිබඳ විමසීමටද අවකාශ ලැබේ.

දේශන මාලාවන් තුළදි පහත මාතෘකා පිළිබඳ දැණුවත් කරනු ලැබේ.

  • නිදහස් සහ විවෘත මෘදුකාංග
  • අධ්‍යාපනය සඳහා නිදහස් සහ විවෘත මෘදුකාංග
  • හන්තාන ලිනක්ස් ව්‍යාපෘතිය
  • නිදහස් සහ විවෘත මෘදුකාංග ව්‍යාපෘති සඳහා දායක වීම
  • ICTA ආයතනය මඟින් දියත් කළ සහ අනුග්‍රහය දැක් වූ නිදහස් සහ විවෘත මෘදුකාංග ව්‍යාපෘති

මෙලෙස නිදහස් සහ විවෘත මෘදුකාංග පිළිබඳ දැණුම ලබා ගැනීම සඳහා දැයට කිරුල ප්‍රදර්ශන භූමියේ ඇති ICTA ආයතනයේ ප්‍රදර්ශන කුටියට පෙබරවාරි මස 7 සහ 8 දිනයන් තුළ පැමිණිමට අමතක කරන්න එපා. තවද උතුරු මැද පලාත ආශ්‍රිත පාසැල් ගුරුවරුන්ට සහ සිසුන්ටත්, මෙම ප්‍රදර්ශනය බැලීමට බලාපොරොත්තු වන හිතමිතුරන්ට මේ පිළිබඳව දැන්වීමට කාරුණික වන්න.

මීට අමතරව අධ්‍යාපන අමාත්‍යාංශයෙ තොරතුරු තාක්‍ෂණ ඒකකයේ ප්‍රදර්ශණ කුටිය තුළදීද නිදහස් සහ විවෘත මෘදුකාග පිළිබඳ දැනුවත් කිරීමක් සිදු කිරීමට නියමිතයි.

දැයට කිරුල නිමිත්තෙන් හන්තාන ලිනක්ස් 15.5 නිකුත් කර ඇති අතර දැයට කිරුල ප්‍රදර්ශන භුමියේදි මෙම නිකුතුව ලබා ගැණීමට අවශ්‍ය පහසුකම් ඉක්ටා ආයතනය මඟින් සලසා ඇත. නව නිකුතුව ලබා ගැණීමට මෙම සබැඳියට පිවිසෙන්න. හන්තාන කණ්ඩායම වෙනුවෙන් ඩනිෂ්ක, බන්දුල, කල්හාර සහ හිරන්‍ය  දැයට කිරුල ප්‍රදර්ශන භූමිය තුළ දි ඔබට සහාය වනු ඇත.

ஹந்தானவுடன் கட்டின்மையை உணர்வோம்

இலங்கைத் திருநாட்டின் 64 வது சுதந்திர தினத்தை முன்னிட்டு அனுராதபுர, ஓயாமடுவே பிரதேசத்தில் நடைபெறும் “தேசத்திற்கு மகுடம் 2012″ வருத்தக, கல்வி கண்காட்சியில் கட்டற்ற மென்பொருள் மற்றும் ஹந்தான  லினக்ஸ் பயன்பாடு குறித்து விளக்கமளிக்கும் பயிலரங்க நிகழ்வொன்றினை ஹந்தான லினக்ஸ் குழுவினர் எதிர்வரும் பெப்ரவரி மாதம் 7 ஆம் 8 ஆம்  திகதிகளில்.

ICTA அமைப்பின் அனுசரணையுடன் “தேசத்திற்கு மகுடம்” பிரதேசத்தில் நடாத்தவுள்ளனர். இந்நிகழ்வு ஒரு தடவையில் நூறுபேர் கலந்து கொள்ளக்கூடிய கற்றல் கூடமொன்றில் நடைபெறவுள்ளது. இதில் கலந்து கொண்டு தங்களுக்குள்ள கட்டற்ற மென்பொருள் பயன்பாடு குறித்தான ஐயங்களைளைத் தீர்த்துக்கொள்ளலாம்.
இப்பயிலரங்கில் ஐந்து விடயங்கள் பற்றி விளக்கப்படும்

1..கட்டற்ற  மென்பொருள் பற்றி
2. கல்வி தொடர்பான கட்டற்ற  மென்பொருள்
3. ஹந்தான லினக்ஸ் திட்டம்
4. கட்டற்ற  மென்பொருள் திட்டங்களில் பங்களிப்பது
5. ICTA வினால் முன்னெடுக்கப்படும் கட்டற்ற  மென்பொருள் திட்டங்கள்

கட்டற்ற  மென்பொருள் தொடர்பான மேலதிக விபரங்களை பெற “தேசத்திற்கு மகுடம்” நிகழ்வு நடைபெறும் இடத்திலுள்ள ICTAவின் குடிலிற்கு பெப்ரவரி மாதம் 7 ஆம் 8 ஆம் திகதிகளில் வருகைத்தர மறவாதீர். மேலும் வடக்கிலுள்ள ஆசிரியர்கள் மற்றும் மாணவர்கள் உட்பட இந்நிகழ்வினை காண விளையும் நண்பர்களிடமும் இது பற்றிய தகவல்களை தயவு செய்து தெரிவித்து வைக்கவும்.

இதற்கு  மேலதிகமாக கல்வி அமைச்சின் தகவல் தொடர்பாடல் தொழில்நுட்ப பிரிவினூடாக கட்டற்ற மென்பொருள் தொடர்பான விளக்கமளிப்பு நிகழ்வும் ஏற்பாடு செய்யப்பட்டுள்ளது.

தேசத்திற்கு மகுடத்தின் நிமித்தம் ஹந்தான லினக்ஸ் 15.5 பதிப்பினை வெளியிடவுள்ளதுடன், அந்நிகழ்வில் ICTA அமைப்பினர்  இப்பதிப்பின் பிரதிகளைபெற்றுக்கொள்வதற்கான ஏற்பாடுகளை செய்துள்ளனர். இந்த புதிய பதிப்பினை பெற அனைவரும் எமது  குடிலிற்கு அணி திரண்டு வருகை தாருங்கள். மேலும் உங்களிற்கு உதவும் முகமாக ஹந்தான குழுமத்தின் சார்பில் பந்துல, கல்ஹார, ஹிரன்ய, மற்றும் அனுஷ்க ஆகியோர்  கலந்து கொள்கிறார்கள்.

Feel the freedom with Hanthana Linux @ Deyatakirula 2012

Hanthana Linux team, with the collaboration of the ICT Agency of Sri Lanka, is about to a conduct an awareness event on Free and Open Source Software and Hanthana Linux on 7th and 8th of February at “Deyata Kirula 2012″ Education and Trade exhibition which is held at Oyamaduwa, Anuradhapura in line with the 64th Independence Day. Lectures series which 100 people can participate at a time, opportunity to use free and open source software installed on computers and people will get the chance to get their queries answered.

Following topics will be covered in lecture series.

  • Free and Open Source Software
  • Free and Open Source Software for education
  • Hanthana Linux project
  • Contribution for Free and Open Source Software
  • Free and Open Source Software launched and sponsored by ICTA

Get to know about Free and Open Source Software, visit ICTA stall at Deyata Kitula exhibition premises on 7th and 8th of February. Please be kind enough to spread the word to teachers and students of North Central Provincial area as well as to other who wish to visit the exhibition.

Apart from that Information Technology Unit of the Ministry of Education is about to conduct a awareness session of Free and Open Source Software in their stall.

For Deyata Kirula, Hanthana Linux 15.5 was released and ICTA has made arrangements to deliver a copy of the operating system for those who need at the exhibition premises. Visit this link to get the latest version. Danishka, Bandula, Kalhara and Hiranya  representing Hanthana Team will assist you in Deyata Kirula exhibition premises.

ධර්ගා නගරයේ ජාතික අධ්‍යාපන විද්‍යාපිඨයේ හන්තාන ලිනක්ස් වැඩසටහන

අලුත්ගම ධර්ගා නගරයේ පිහිටි ජාතික අධ්‍යාපන විද්‍යා පීඨයේ දී දෙදින හන්තාන ලිනක්ස් හඳුන්වාදීමේ වැඩසටහනක් පසුගිය 11 සහ 23 වැන දෙදින පුරා පැවැත්විණි.  මේ වැඩසටහන සඳහා යාපනය, අම්පාර, පුත්තලම, මඩකලපුව, සහ ධර්ගා නගරය යන ප්‍රදේශවලින් පැමිණ එම ආයතනයේ අධ්‍යාපනය ලබන සිසුවියෝ විසි දෙනෙක් සහ ඔවුන්ගේ ආචාර්ය මණ්ඩලයේ ගුරු මහත්ම මහත්මීන් කිහිප දෙනෙක් සහභාගී වූහ.

මෙම වැඩසටහනේ විශේෂත්වය වන්නේ මෙතෙක් දමිළ මාධ්‍යයෙන් අධ්‍යාපනය ලද සිසුන් පිරිසක් සඳහා කළ පළමු වැඩසටහන මෙය වීම යි. මෙම වැඩසටහනේ දී ලිනක්ස් හදුන්වාදීම, ස්ථාපනය, අධ්‍යාපනික සහ කාර්යාලීය මෘදුකාංග භාවිතය වැනි කොටස්වලට අමතරව මෘදුකාංග සංවර්ධන අංශය කෙරෙහි ද වඩා වැඩි අවධානයක් යොමු කෙරිණි.  විශේෂයෙන් ම ලිනක්ස් මත C++, Java, HTML වෙබ් පිටු නිර්මාණය වැනි කරුණු මෙන් ම ලොව බහුලව භාවිත වන වෙබ් සේවාදායකය වන ඇපාචී (Apache) වෙබ් සේවාදායකය භාවිතය ද මෙහි දී ආවරණය කරන ලදි.  මීට අමතරව ජාල සැකසුම් කළමනාකරණය සහ පරිශීලක  කළමනාකරණය වැනි අංශ ද සාකච්ඡා කෙරණි.

මෙම වැඩසටහනේ තවත් සුවිශේෂි කාරණයක් නම් පළමු දින අධ්‍යයන කටයුතුවලට අදාළ හන්තාන මෙහෙයුම් පද්ධතියේ ඇති  කොටස් පිළිබඳ  පුද්ගලිකව විමසා සහ තාක්‍ෂණික කරුණු සපුරාගෙන පැහැදිලිකර ගත් ආචාර්ය මණ්ඩලයේ සාමාජික දෙපළක් දෙවැනි දින වැඩසටහනට පෙර වැඩසටහනට අදාළ MySQL වැනි පාඩම් කොටස් සිසුවියන්ට ඉගැන්වීමට තරම් උද්‍යෝගීමත් වූහ.

මෙම වැඩසටහන පුරාම වැඩසටහන සංවිධානය කළ රිස්කාන් මහතා සහ එම ආයතනයට සේවය ලබාදෙන  ජයිකා ආයතනයේ නියෝජිත අසුකා ටොමියමා මෙනෙවිය ද  අගනා සහායක් ලබා දුන් අතර ගුරුවරුන්ගේ සහ සිසුවියන්ගේ උනන්දුව නිසා ඉතා වැඩි පරාසයක කොටස් ආවරණය කළ හැකි විය. වැඩසටහනින් පසුව සිසුවියන් සඳහා පාසැල් සිසුන්ට මෙම දැනුම ලබා දෙන ආකාරය ඇසුරින් පැවරුමක් ලබා දීමට රිස්කාන් මහතා කටයුතු කිරිම මෙම වැඩසටහනට තවත් විශේෂත්වයක් එක් කළේ ය. 2012 වසරේදි සිමාවාසික පුහුණුව ද  2013 වසරේදි පාසැල් සඳහා පත්වීම් ද ලැබීමට නියමිත මෙම ශිෂ්‍යාවන් යාපනය, මඩකලපුව, අම්පාර සහ පුත්තලම වැනි දුරස්ථ ප්‍රදේශ කරා නිදහස් සහ විවෘත මෘදුකාංග (FOSS) පිළිබඳ පණිවිඩය ඉතා විධිමත් ව ගෙන යනු ඇත. යාපනය ප්‍රදේශයේ නිදහස් හා විවෘත මෘදුකාංග පිළිබඳ වැඩසටහන් පැවැත්වීම සඳහා ඔවුන් අවසානයේ අපට ඇරයුම් කිරීම ද මෙහි අවශ්‍යතාව මැනැවින් තේරුම්ගත් බවට මනා සාක්‍ෂියකි.

එම සිසුවියන්ට අනාගතය ජය ගැනීමට අපෙන් සුබ පැතුම්!

Hanthana Linux workshop @ NCOE, Dharga Town

A two day Hanthana Linux awareness program was held at National College of Education (NCOE) – Dargatown, Aluthgama on the 11th and 23rd of February, 2011. Twenty students (trainee teachers) from Jaffna, Ampara, Batticaloa, and Dharga Town as well as from the National College of Education itself and several teachers of these students participated in the program.

This program was especial because this was the very first such program conducted for the Tamil medium students (trainee teachers).

In this program more focus was on introducing Linux, installation, using office packages and software development. Creating C++ programs and Java, HTML web pages on Linux and using the Apache web server, which is very popular in the world was discussed. Other than that, network management and user management was also thought in the program.

On day one there were two teachers in the staff that inquired about the content to be thought on day two. They self studied the content such as MySQL and enthusiastically thought the students these topics.

Rizkhan, who organized the event and Ms. Asuka Tomiyama who is a representative of the JICA institute that provides service to the National College of Education were present Throughout the program and provided invaluable help. Due to this and the enthusiasm of teachers and students alike, it was possible to cover a wide range of topics in this program.

At the end of the program, Rizkhan Basheer gave an assignment for the student which will help them gaining further knowledge of the subject matter presented on the two days. These students are supposed to attain residential training in 2012 and receive appointments to teach in schools in 2013 and there is lot of hope that they will spread the message and knowledge of free and Open Source software in remote areas of Jaffna, Batikaloa, Ampara and Ptlam. At the end of the progam we were invited to conduct programs on free and open source software (FOSS) in Jaffna was a sign of understanding the value of FOSS software.

We wish all the participants a brighter future!

Minister of Education admires

Hanthana Linux was introduced by the Information Technology Unit of the Department of Education at the education and development exhibition, Dayata Kirula 2011, which was held in Buttala for seven consecutive days from the 4th of February. The Chief of The Information Technology Unit, Director of Education, Mr. Niel Gunadasa explained to Hon. Minister of Education Bandula Gunawardena, how the Hanthana Linux operating system is useful for education purposes, .

.

Senior Advisor of The Education Ministry, Ven. Oomare Kassapa thero, who was engaged in a long discussion with the Assistant Director of Education Mr. M.D.R. Amaranayake, about the need of free and open source software, also said that attention should be paid to this project.

This exhibition stall was organized by the Information Technology Unit of the Department of Education. There were many valuable exhibits useful for students and teachers including the OLPC laptop (One Laptop Per Child), which is provided by the said unit to primary school children, interactive white-board, a collection of computer hardware as well as a wireless network.

Folks from many fields such as education, engineering, agriculture, marine and management were very enthusiastic about Hanthana Linux. It was also interesting to see some people visiting for the second day as well, with their friends who doesn’t know about Hanthana Linux, to introduce it.

Hanthana Linux 14.5.2 was distributed in this exhibition stall.

In addition to this, a hands on program for the IT teachers of the Buttala and Monaragala education zones is also planned to be held on a future date.

අධ්‍යාපන ඇමතිගෙන් පැසසුම්!

පසුගිය පෙබරවාරි 4 වැනි දින සිට පුරා දින 7ක් බුත්තල දී පැවැත්වුණු දැයට කිරුළ 2011 අධ්‍යාපනික සහ වෙළඳ ප්‍රදර්ශනයේ දී අධ්‍යාපන අමාත්‍යාංශයේ තොරතුරු තාක්‍ෂණ ඒකකය විසින් හන්තාන ලිනක්ස් හදුන්වා දීම සිදු කරන ලදි. අධ්‍යාපන අමාත්‍යාංශයේ ප්‍රදර්ශන කුටි වෙත පැමිණි අධ්‍යාපන ඇමති බන්දුල ගුණවර්ධන මහතාට තොරතුරු තාක්‍ෂණ ඒකකයේ ප්‍රධානී අධ්‍යාපන අධ්‍යක්‍ෂක නීල් ගුණදාස මහතා විසින් හන්තාන ලිනක්ස් මෙහෙයුම් පද්ධතිය අධ්‍යාපන කටයුතු සඳහා වැදගත් වන අයුරු පැහැදිලි කෙරුණු අතර


සහකාර අධ්‍යාපන අධ්‍යක්‍ෂක එම්.ඩි.ආර්. අමරනායක මහතා සමග නිදහස් සහ විවෘත මෘදුකාංගවල අවශ්‍යතාව පිළිබඳ ඉතා දීර්ඝ සංවාදයක නියැළී සිටි අධ්‍යාපන අමාත්‍යාංශයේ ජ්‍යෙෂ්ඨ උපදේශක ඔමාරේ කස්සප හිමියෝ ද මෙම ව්‍යාපෘතිය කෙරෙහි අවධානය යොමු විය යුතු බව ප්‍රකාශ කළහ.


මෙම ප්‍රදර්ශන කුටිය අධ්‍යාපන අමාත්‍යාංශයේ තොරතුරු තාක්‍ෂණ එකකය මඟින් ඉදිරිපත් කෙරුණු අතර ඊට ප්‍රාථමික අංශයේ දරුවන්ට ලබා දෙන OLPC (One Laptop Per Child) ලැප්ටොප් පරිගණකය, අන්තර්ක්‍රියාකාරි සුදු තිරය, පරිගණක දෘඪාංග එකතුවක් මෙන් ම රැහැන් රහිත ජාලයක් ඇතුළු පාසැල් දරුවන් සහ ගුරුවරුන්ට අවශ්‍ය වටිනා තොරතුරු රැසක් ද එක් කොට තිබිණි.

එහි දී අධ්‍යාපනික, ඉංජිනේරු, කෘෂිකර්ම, නාවික සහ කළමණාකරන වැනි විවිධ ක්‍ෂේත්‍රවලට අයත් පිරිස් හන්තාන ලිනක්ස් කෙරෙහි අවධානය යොමු කළහ. තවත් විශේෂත්වයක් වන්නේ සිය මිතුරන්ට හන්තාන ලිනක්ස් හදුන්වා දීමට සහ DVD iso ගොනුව ගෙනයාමට සමහර පිරිස් පසු දින දෙවැනි වරටත් මේ කුටියට පිවිසීම යි.


මෙම ප්‍රදර්ශන කුටියේදි හන්තාන ලිනක්ස් 14.5.2 බෙදාහරින ලඳි.

මීට අමතරව බුත්තල සහ මොණරාගල අධ්‍යාපන කලාපවල තොරතුරු තාක්‍ෂණ ගුරුවරුන් සඳහා ප්‍රායෝගික වැඩසටහන් ඉදිරි දිනවල දී සිදු කිරීමට නියමිතයි.